Udhëtim në Jordani: Petra, Wadi Rum, Deti i Vdekur

Book now

Dita 1 : Tiranë – Amman

Takimi me guidën rreth orës 03:30 në aeroport. Nisja nga Tirana në orën 06:00. Udhëtojmë drejt Vienës, mbërrijmë në orën 07:35. Marrim fluturimin për në Amman në orën 10:50.

Pas mbërritjes në Aeroportin e Ammanit në orën 16:25, partneri ynë na mirëpret për të siguruar një transferim të rehatshëm drejt Amman-it, kryeqytetit historik të Jordanisë. Akomodohemi në hotel dhe kemi kohë të lirë për t’u çlodhur apo për të vizituar qytetin.

Kthehemi në hotel për të konsumuar darkën. Fjetja në Khan Khediwe Hotel 4*.

Dita 2 : Amman – Mali Nebo – Petra

Zgjohemi dhe konsumojmë mëngjesin në hotel.

Dita fillon me një vizitë në qytetin e Ammanit. Vizitojmë pikat kryesore historike, këtu duke përfshirë : Citadelën , Xhaminë Blu, Amfiteatrin e qytetit etj.

Vazhdojmë turin tonë për në Malin Nebo, një vend biblik me një rëndësi të madhe shpirtërore, aty ku Moisiu shikoi Tokën e Premtuar dhe më vone ndërroi jetë. Nga maja e malit, pamjet panoramike përfshijnë Detin e Vdekur, Jerichon dhe Luginën e Jordanisë, duke ofruar një eksperiencë frymëzuese.
Mozaikët e mrekullueshëm dhe reliket e kishave të lashta në këtë vend tregojnë për historinë e pasur fetare dhe kulturore.

Pas kësaj vizite të veçantë, udhëtojmë drejt Petra-s, qyteti i gdhendur në shkëmb dhe një nga Shtatë Mrekullitë e Reja të Botës. Këtu do të relaksohemi pas udhëtimit dhe do të përgatitemi për eksplorimin e jashtëzakonshëm të qytetit ditën tjetër.

Konsumojmë darkën në hotel. Fjetja në Petra Icon Hotel 4*.

Dita 3 : Vizitë e plotë në Petra – Wadi Rum

Zgjohemi dhe konsumojmë mëngjesin në hotel.

Dita është e dedikuar plotësisht për eksplorimin e qytetit të lashtë të Petrës, i cili është një nga thesaret kombëtare të Jordanisë dhe padyshim atraksioni turistik më i njohur i saj. Petra është trashëgimia e Nabateanëve, një popull arab i zellshëm që u vendos në Jordaninë jugore më shumë se 2,000 vjet më parë. E admiruar për kulturën e saj të rafinuar, arkitekturën masive dhe kompleksin gjenial të digave dhe kanaleve të ujit, Petra është një Vend i Trashëgimisë Botërore të UNESCO-s dhe një nga Shtatë Mrekullitë e reja të Botës. E banuar nga Nabateanët, Edomitët dhe Romakët, Petra bashkoi njohuritë dhe aftësitë e këtyre qytetërimeve për të krijuar këtë mrekulli botërore. Karvanët e ngarkuar me temjan, mëndafsh, erëza dhe mallra të tjera ekzotike do të pushonin në Petra.

Pas një dite të mbushur me histori dhe emocion, nisemi drejt Wadi Rum, “Lugina e Hënës.” Ky peizazh shkëmbor i jashtëzakonshëm, me format e tij unike, është një nga vendet më të qeta dhe mistike të shkretëtirës. Shëtitjet nën qiellin e hapur, plot yje, dhe një darkë tradicionale beduine do ta bëjnë këtë natë të paharrueshme.

Konsumojmë darkën. Fjetja në Rahayeb Luxury Camp.

Dita 4 : Wadi Rum Jeep Tour – Aqaba

Zgjohemi dhe konsumojmë mëngjesin në kamp.

Pas mëngjesit, nisim një tur 2-orësh me jeep 4×4 në Wadi Rum, i portretizuar si Marsi në disa filma artistikë të Hollivudit. Wadi Rum është një përrallë arabe që pret të zbulohet, shtëpia e fiseve nomade beduine, si dhe një vend i qetë për t’u larguar nga epiqendra e Ammanit. Dikur i banuar nga Nabateanët e kohërave parahistorike, Wadi Rum ju lejon të humbeni në peizazhe të gjera dhe vija horizonti në dukje të pafundme.

Pas turit nisemi nga Wadi Rum dhe udhëtojmë drejt jugut për në Aqaba, perlën bregdetare të Jordanisë në Detin e Kuq. Me të mbërritur akomodohemi në hotel dhe më pas shijojmë një tur në këmbë në qytetin e Aqabës për të parë tregun dhe për të shijuar disa ëmbëlsira jordaneze. Gjithashtu, do të vizitojmë Kështjellën Osmane, një monument historik nga shekulli i 16-të, dhe Arab Revolt Plaza, që përkujton Revoltën Arabe.

Shkojmë në hotel për të konsumuar darkën. Fjetja në La Costa Hotel 4*.

Dita 5 : Aqaba – Deti i Vdekur

Zgjohemi dhe konsumojmë mëngjesin.

Pas mëngjesit, do të kemi pak kohë të lirë dhe më pas do të udhëtojmë drejt Detit të Vdekur, pika më e ulët në Tokë dhe një prej mrekullive më të famshme natyrore në botë.

Atraksioni kryesor në Detin e Vdekur është vetë uji i ngrohtë, qetësues dhe super i kripur – rreth dhjetë herë më i kripur se uji i detit dhe i pasur me kripëra kloruri të magnezit, natriumit, kaliumit, bromit dhe disa të tjerëve. Ujërat jashtëzakonisht të ngrohtë, tepër të gjallë dhe të pasur me minerale kanë tërhequr vizitorë që nga kohërat e lashta, përfshirë Mbretin Herod të Madh dhe Mbretëreshën e bukur egjiptiane, Kleopatrën.

Kthehemi në hotel për të konsumuar darkën. Fjetja në Crowne Plaza Resort 5*.

Dita 6 : Deti i Vdekur – Jerash – Amman

Zgjohemi dhe konsumojmë mëngjesin në hotel. Më pas do të kemi kohë të lirë për të shijuar bukuritë dhe qetësinë e Detit të Vdekur deri në orën 12:00.

Pas plazhit, trasnferohemi për të vizituar Jerashin. Jerashi është një përzierje e mahnitshme e ndikimeve greko-romake dhe orientale. Një vend i shkëlqyer për t’u vizituar gjatë pranverës apo vjeshtës me kodrat e tij të bukura dhe gjelbërimin e harlisur, Jerashi ka një ritëm që nuk shihet askund tjetër në Jordani.

Pas mesditës, udhëtojmë drejt Amman-it për një ndalesë të fundit në zonën e Bulevardit. Për të përfunduar udhëtimin në mënyrë të ëmbël, ndalojmë në një dyqan të famshëm për të shijuar ëmbëlsirën tradicionale “Kynefe / Kunafa”.

Kthehemi në hotel për të konsumuar darkën. Fjetja në Khan Khediwe Hotel 4*.

Dita 7 : Kthimi për në shtëpi

Zgjohemi dhe konsumojmë mëngjesin në hotel.

Kohë e lirë në Amman deri në mesditë. Më pas nisemi drejt aeroportit për t’u kthyer në Shqipëri me kujtime të paharrueshme.

Nisja nga Ammani në orën 17:20.

“Informacion mbi bakshishet në Jordani. Në Jordani, bakshishet janë të zakonshme në hotele, restorante dhe shërbime të ndryshme. Nëse pranoni një shërbim, stafi mund të presë bakshish dhe nganjëherë të jetë pak insistues, pasi kjo është pjesë e kulturës lokale. Nëse nuk dëshironi të jepni bakshish, mjafton ta refuzoni me mirësjellje këtë shërbim shtesë.”