Udhëtim në Cetinje, Dubrovnik & Budva – 2 Ditë – 72€

Dita e parë:

Nisja nga Elbasani në 05:30 dhe Tirana në 06:30. Gjatë rrugës do të kemi një ndalesë të shkurtër për kafe dhe konsumimin e mëngjesit. Udhëtimi vijon drejt Hanit të Hotit përgjatë brigjeve të liqenit të Shkodrës. Rruga vijon për në malësinë e Cetinjës, ku është parashikuar një vizitë në qendrën e saj. Cetinja përfaqëson zemrën historike dhe shpirtërore të Malit të Zi, duke u dalluar për arkitekturën e saj mbretërore dhe atmosferën unike të një qyteti-muze. Ky destinacion ju ofron një panoramë në kohë përmes manastireve dhe ambasadave historike që dëshmojnë trashëgiminë e pasur kulturore të rajonit.

Udhëtimi përmes Parkut Kombëtar të Lovcenit shpalos një peizazh malor madhështor, ku majat e thepisura dhe flora e pasur krijojnë një atmosferë qetësie dhe admirimi për natyrën e paprekur. Gjatë zbritjes përmes serpentinave legjendare drejt Njegushit, syri i vizitorit ndesh kontraste të mahnitshme mes gurit të hirtë dhe gjelbërimit të dendur që karakterizon këtë rajon unik. Pika kulmore e këtij rrugëtimi është pamja spektakolare mbi Gjirin e Kotorit, ku horizonti nga lartësia 1760 m dhe malet që zhytën në ujë formojnë një nga panoramat më të bukura në të gjithë Ballkanin.

Pas mbërritjes në qytet, është parashikuar një drekë e lirë. Zbulimi bëhet në këmbë, duke vizituar rrugicat e ngushta dhe sheshet antike të qytetit të vjetër, ku çdo godinë pasqyron elegancën e stilit venecian. Një shëtitje përgjatë portave historike dhe bregut të detit mundëson shijimin e mrekullueshëm të trashëgimisë së UNESCO-s në një formë tërësisht autentike. Udhëtimi vijon drejt Tivatit, ku do të qëndrojmë për 2 orë në qendrën e famshme përreth zonës së Porto Montenegro, një nga zonat më luksoze të Malit të Zi. Pas kësaj, do të nisemi drejt Budvës për fjetje. Akomodimi do të bëhet në Hotel Pozzo. Jeta e natës është një nga mrekullitë e këtij qyteti i cili nuk fle përgjatë të gjithë vitit.

Dita e dytë:

Mëngjesi në hotel, nisemi për në Dubrovnik, duke kaluar nga gjiri i Kotorit, udhëtimi me lundrën e famshme që lidh 2 brigjet, kalojmë në rivierën e Hercegnovit, me Baosici, Denovici, Igalo ku është dhe porta hyrëse në gjirin e Kotorit. Vijojmë një udhëtim fantastik për 40 km nga kufiri i Kroacisë, rruga me qipariset shekullore nga Malësia e Konavles, ndalesa tek panorama e Dubrovnikut, e më pas tek ura e famshme Franjo Tudjman. Vizita panoramike vijon në qytet, në Gruz dhe më pas ndalet në Pile ku është kalaja e famshme e Dubrovnikut, ku do të takojmë guidën lokale.

Ju do të filloni shëtitjen tuaj në rrugën kryesore Stradun, duke u mrekulluar nga ndërtesat historike prej guri që dëshmojnë lavdinë e dikurshme të Republikës së Raguzës. Gjatë kësaj ecjeje, do të zbuloni bukuritë e shesheve antike dhe do të ndjeni atmosferën unike të qytetit të vjetër që mbrohet nga UNESCO. Përfundimisht, pas këtij eksplorimi të pasur me histori dhe kulturë, koha për drekën do të jetë e lirë në mënyrë që ju të zgjidhni vetë shijet lokale që preferoni. Vijojmë me kthimin, përgjatë rrugës do të vizitojmë një nga restorantet më të famshme të Dalmacisë Jugore, Konavoski Dvori, mulliri pranë lumit Ljuta, pas kësaj vizite në itinerarin Hercegnovi, Budvë, Bar, Muriqan me pushime të shkurtra për t’u kthyer më pas në Tiranë e Elbasan, ku shënohet edhe fundi i këtij programi të mrekullueshëm.